داستان (1)دووشان قولاغی نیه اوزوندور؟
داستان (1)دووشان قولاغی نیه اوزوندور؟ دووشان قولاغی نیه اوزوندور؟
بیر گون واریدی بیر گون یوخیدی آلله دان سونرا هئچ کس یوخیدی بئله دئیلر کی بیر دفعه دووشان 
بیر قویونا 
راست گلیب ،دوست اولوب عومور بویی بیر - بیرلریندن آیرلمامایا و همیشه لیق دوست اولماق ایستیرلر. اونا گوره ده قویون 
دووشانا دئیر کی ایندی کی بیز دوست اولموشوق گل بیر ائو تیکیب اوردا یاشیاق. دووشاندا قبول ائلیب قراراولور صاباحیسی گوندن اودون ییغیب بیر ائو تیکسینلر.
صاباح یولا توشوب مئشده تخته- تاباق تاپماقا گئتدیلر یولدا اه نلی- قالین آغاجا راست گلیب قویون دئیر کی:
- من بو آغاجی کوکوندن یئره ییخیب یئره ساللام
قویون دالی - دالی گئدیب ، کله سیله آغاجا یوگوروب آغاجی کوکوندن تاپپلتیله یئره سالیر.
دوشان اوز اوزونه دئیر
- بالام آغاج سیندیرماق نه راحتیمیش منده دوستوما اوزومی گوسترمک اوچون اونون یانینداکی آغاجی سیندیرام و دئیر
- قویون قارداش باخ ایندی من بو آغاجی سیندیراجاغام
یولداشی قویون ایستیر دئسین ، بو ایشی گورمه ، بیردن - بیره دالی - دالی گئدیب بیردن آغاجین اوستونه یوگورور اوندان سونرا دووشانین باشی محکم آغاجا ده ییر بوینو گیریر قینینا
قویون 
دوستونا کمک ایلماق اوچون دووشانین یانینا گئدیب یاپیشیر دووشانین قولاقلارینان و چکمگه باشلاییر.اما نقدر گوج وئریر دووشانین باشی قینیندان چیخمیر : عوضینده دووشانین قولاقلاری اوزانیر او گون بو گوندور کی دووشانین قولاقلاری اوزون قالیر.
