ایلین آخیر چرشنبه سی (توپراق چرشنبه سی )

آتیل باتیل چرشنبه بختیم آچیل چرشنبه

آغریلیغیم اوغورلوغوم اودلارا

منیم له هوپولمایان یادلارا

آغیرلیغیم اود اولسون

اوددا یانان یاد اولسون

اود اوستن آتداناق

هر جفایا قاتداناق

آغیرلیغیم اوغورلوغوم اودلارا

منیم له هوپولمایان یادلارا

آتیل توتول چرشنبه

چیللن توکول توکول چرشنبه
بختیم آچیل چرشنبه

بو آخیرچرشنبه اوخوماقی اود دان آتیلاندا اوخویالار نه گوزلدی بو ایل سنین اول چرشنبه ندی بیز بابان یانیندا دئیریک البته دئییم کی  تهراندا اولسیدوکده  هئچ بیر زاد ائلیه بیلمزدوک  بوردا هاممی پای یا خونچا آپارماقا مشغولدی بیزده منیم عمه لریمه پای آپاردوخ منیم ده عمه چون سنین اول چرشنبه  نیدی سنه بیر پارچا وئردی اوبیسیلرده جورابینان بویالمیش یومورتا وئردیلر.بیرده گئدوک بیر خونچایا باخدوخ. بیزده چون اوزاقدایوق بویوک مامان بیزیم پاییمیزی وئرر اوزوموز آپاروخ سنه پالاتار آلیب بایرامدا گیرسن منده قیزیل آلیب.

آذربایجاندا اوشاقلارا چرشنبه لیک آلالار منده سنه گئدیم هم اوزومون هم بابان طرفیندن چرشنبه لیک آلدیم چرشنبه لیک اوشاقلارا بیر بالاجا اوینادمالی اولار بویوکلرده یا آینا آلالار یادا داراق بویوک ماماک مامان منه آینا آلدی.

ایندیده بویوک مامان گیلده اوت یاندیلار گئدک اوددان هوپولاق.

بوردادا یورولمیسان یاتمیسان بو گون چوخ اوینامیسان