آرالین لایلالاری ( 4 )

منیم ناز اوغلوم  چوخداندی من  سنه اوخویان لایلاری یازمامیشام  بو گون دئدیم بیر آزین گئنه یازیم تا بویوک اوغلان اولاندا  بو لایلالاری اوخویاسان  و  بیلسئن کی من بو لایلالارینان سنی بویودمیشم سن گئجه لر یوخودان اویاناندا بو لایلالاری اوخویاندا ائله ناز یوخویا گئدیسن کی سئویرم باشون اوستونده اوتورام و سنه باخام  .

آلچالار  آی آلچالار

آلچالار کمانچالار

لای لایووو من چالام

اوزگلر  یامان چالار

لای لای دئدیم ، یات دئدیم

یاستیقا باش آت دئدیم

آرال چکیم نازیوی

بویا باشا چات دئدیم

لای لای دئدیم بویونجا

باش یاستیقا قویونجا

سن یات گول یاستیقیندا

منده باخیم دویونجا

لای لای دئدیم بیله سن

دوشمه یه سن دیله سن

بویا بوخونا چاتیب

اوینایاسان گوله سن

سنی چوخ سئویرم منیم آرالیم